ຮູ້ສິດທິຂອງທ່ານໃນຖານະພໍ່ແມ່ ຫຼື ຜູ້ເບິ່ງແຍງເດັກຂອງ AUSD

ເດັກນ້ອຍທຸກຄົນມີສິດເທົ່າທຽມກັນໃນການເຂົ້າເຖິງການສຶກສາສາທາລະນະຟຣີ, ໂດຍບໍ່ຄໍານຶງເຖິງສະຖານະການເຂົ້າເມືອງ ຫຼື ສັນຊາດຂອງເຂົາເຈົ້າ ຫຼື ພໍ່ແມ່/ຜູ້ປົກຄອງຂອງເຂົາເຈົ້າ.

ເດັກນ້ອຍທຸກຄົນໃນລັດຄາລິຟໍເນຍ:

• ມີສິດໄດ້ຮັບການສຶກສາຟຣີ
• ຕ້ອງໄດ້ລົງທະບຽນເຂົ້າໂຮງຮຽນ ຖ້າພວກເຂົາມີອາຍຸລະຫວ່າງ 6-18 ປີ
• ມີສິດເຂົ້າຮຽນໃນໂຮງຮຽນທີ່ປອດໄພ, ໝັ້ນຄົງ ແລະ ສະຫງົບສຸກ
• ມີສິດທີ່ຈະຢູ່ໃນສະພາບແວດລ້ອມການຮຽນຮູ້ຂອງໂຮງຮຽນລັດທີ່ປາດສະຈາກການຈຳແນກ, ການຂົ່ມເຫັງ, ການຮັງແກ, ຄວາມຮຸນແຮງ ແລະ ການຂົ່ມຂູ່
• ມີໂອກາດເທົ່າທຽມກັນໃນການເຂົ້າຮ່ວມໂຄງການ ຫຼື ກິດຈະກຳໃດໆ ທີ່ໂຮງຮຽນສະເໜີໃຫ້ໂດຍບໍ່ມີການຈຳແນກ

ໂຮງຮຽນຕ້ອງການເອກະສານເພື່ອເປັນຫຼັກຖານຢັ້ງຢືນອາຍຸ ຫຼື ທີ່ຢູ່ອາໄສຂອງເດັກ. ແຕ່ຈົ່ງຈື່ໄວ້ວ່າ:

• ໂຮງຮຽນບໍ່ຈຳເປັນຕ້ອງເກັບສຳເນົາເອກະສານທີ່ໃຊ້ເປັນຫຼັກຖານຢັ້ງຢືນອາຍຸຂອງເດັກ
• ຂໍ້ມູນກ່ຽວກັບສະຖານະສັນຊາດ/ການເຂົ້າເມືອງແມ່ນບໍ່ຈຳເປັນສຳລັບການລົງທະບຽນເຂົ້າໂຮງຮຽນ
• ໝາຍເລກປະກັນສັງຄົມແມ່ນບໍ່ຈຳເປັນສຳລັບການລົງທະບຽນເຂົ້າໂຮງຮຽນ

ການວາງແຜນຄວາມປອດໄພ:

• ທ່ານມີສິດທີ່ຈະປັບປຸງຂໍ້ມູນຕິດຕໍ່ສຸກເສີນຂອງລູກທ່ານ, ລວມທັງຜູ້ຕິດຕໍ່ສຳຮອງ, ເພື່ອລະບຸຜູ້ປົກຄອງຜູ້ໃຫຍ່ທີ່ເຊື່ອຖືໄດ້ ເຊິ່ງສາມາດເບິ່ງແຍງລູກຂອງທ່ານໄດ້ ຖ້າທ່ານຖືກກັກຂັງ ຫຼື ຖືກເນລະເທດ
• ທ່ານສາມາດປະກອບໃບຢັ້ງຢືນການອະນຸຍາດຜູ້ເບິ່ງແຍງ (Caregiver Authorization Affidavit) ເພື່ອໃຫ້ຜູ້ໃຫຍ່ທີ່ເຊື່ອຖືໄດ້ມີອຳນາດໃນການຕັດສິນໃຈດ້ານການສຶກສາ ແລະ ການແພດສຳລັບລູກຂອງທ່ານ ຖ້າທ່ານບໍ່ສາມາດເຮັດໄດ້